Футбол бўйича Италия А Сериясининг 34-турида «Милан» 18 июль, шанба куни «Болонья»га қарши баҳс олиб борди.
Учрашув миланликларнинг устунлигида ўтди ва бу ҳисобда ҳам ўз аксини топди. Учрашувнинг 10-дақиқасида Алексис Салемакерс майдон эгаларининг дастлабки голини урган бўлса, 24-дақиқада Ҳоқон Чалхонўғлу ҳисобни 2:0 кўринишига келтирди. Бунга меҳмонлар биринчи бўлим сўнгида Такеҳиро Томиясунинг голи билан жавоб қайтарди.
Иккинчи бўлимда «Милан» футболчилари яна учта тўп киритишга муваффақ бўлди: 49-дақиқада Исмаэл Беннасер ва 57-дақиқада Анте Ребич ўз ҳисобига гол ёздириб қўйган бўлса, ўйин якунланиши арафасида Давиде Калабрия якуний ҳисобни ўрнатди — 5:1.
Мазкур ғалабадан кейин «Милан» 56 очко билан 6-ўринга кўтарилди. «Болонья» (43) эса 10-поғонада бормоқда.
А Серия
34-тур баҳслари
18 июль, якшанба
«Милан» — «Болонья» 5:1
Голлар: 1:0 – 10 Салемакерс, 2:0 – 24 Чалхонўғлу, 2:1 – 44 Томиясу, 3:1 – 49 Беннасер, 4:1 – 57 Ребич, 5:1 – 90+3 Калабрия.«Милан»: Доннарумма, Кьер, Калабрия, Романьоли, Тео, Кессиэ, Салемакерс (Крунич, 62), Беннасер (Биглия, 79), Чалхонўғлу (Бонавентура, 61), Ибрагимович (Рафаэл Леау, 62), Ребич (Коломбо, 82).
«Болонья»: Скорупски, Дейкс, Томиясу (Мбайе, 59), Ларангейра (Корбо, 59), Денсвил, Сориано (Сванберг, 75), Поли, Орсолини (Ольсен, 75), Домингес (Балдурссон, 60), Сансоне, Сантандер.
Огоҳлантиришлар: Сансоне (34), Кьер (51), Салемакерс (54).
«Верона» — «Аталанта» 1:1
Голлар: 0:1 – 50 Сапата, 1:1 – 59 Пессина.«Кальяри» — «Сассуоло» 1:1
Голлар: 0:1 – 12 Капуто, 1:1 – 63 Жоао Педро.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)