«Барселона» 16 ёшли ҳужумчи билан шартнома имзолади. Унга «Реал» ҳам талабгор эди

«Барселона» клуби «Райо Вальекано»нинг 16 ёшли ҳужумчиси Фабиан Луцци билан шартнома имзолади. Бу ҳақда каталонлар матбуот хизмати маълум қилди.

Футболчи «Барселона»га эркин агент сифатида келган ва жамоа билан «3+2» кўринишида шартнома имзолаган.

Луццига Мадриднинг «Реал» клуби ҳам қизиқиш билдирганди, бироқ «Барселона» футболчига молиявий томондан яхшироқ шартнома таклиф қилган. Ўз навбатида «Реал» ёш футболчиларга тўланадиган маош тизимини бузмаслик учун Фабианга катта миқдорда пул тўлашни истамаган.

Луцци «Райо Вальекано»нинг асосий жамоасида расмий ўйин ўтказмаган, бироқ футболчи сўнгги вақтларда асосий жамоа машғулотларида мунтазам қатнашиб келган. Ҳужумчи «Райо» тарбияланувчиси ҳисобланади ва ўзи ҳаракат қилган ҳар бир ёш тоифасидаги жамоанинг асосий тўпурари бўлган.