Европа космик агентлиги ва NASA қуёшнинг рекорд даражадаги яқин масофадан олинган суратларини эълон қилди.

Фото: European Space Agency

Solar Orbiter космик зонди улкан юлдузга имкон даражасида яқин боришга интилди ва ундан 77 миллион километр масофадан туриб ушбу суратларни олди. Фотографияларда чақнашларни, алангалар ва нанофларни кўриш мумкин. Астрономларнинг қайд этишича, улар Ердаги телескопларда кўринадиган жисмларга ўхшайди ва ҳатто бир неча миллион баравар кичик.

Мазкур алангаларнинг юлдуз қобиғида ялтираб кўринаётганининг сабаби ҳозирча маълум эмас. Уларнинг Қуёш тожининг қизишида иштирок этиши мумкинлиги тахмин қилинмоқда, тож юлдузнинг чуқур қатламларидаги иссиқликдан 200-500 баравар қайноқ.

Фото: Meduza

Ушбу гипотезани тасдиқлаш учун алангалар ҳароратини ўлчаб кўриш керак. Solar Orbiter мазкур ишни бажара оладиган Spectral Imaging Coronal Environment (SPICE) қурилмаси билан жиҳозланган ва маълумотлар умумлаштирилиб Ердаги олимларга юборилади.

Бошқа бир қурилма, яъни қуёш-гелиосфера томографи SoloHI ёрдамида сайёралараро зарраларда кўринаётган Қуёшнинг зодиакал ёруғлиги ўлчанади. У шу қадар кучсизки, кўпинча Қуёш уни тўсиб қўяди. Ушбу ҳолатни қайд этиш учун SoloHI Қуёш нурини дастлабкисидан бир триллион даражада камайтиришига тўғри келди. Тасвирлар тоза зодиакал ёруғликни кўрсатди, шу сабабли олимлар яқин орада Қуёш шамоли тузилмасини кўришлари мумкинлигига умид қилмоқда.

Solar Orbiter лойиҳа аппарати Канаверал станциясида февраль ойида ишга туширилган. Унинг ёрдамида Ерга энг яқин юлдуз ҳақидаги маълумотларни йиғиш давом этмоқда.