Ерга 441987 рақамли (2010 NY65) потенциал хавфли астероид яқинлашди. Бу ҳақда NASA Реактив ҳаракатлар лабораторияси маълум қилди.
Космик жисм Ер сайёрасига 24 июнь куни Тошкент вақти билан соат 07:44 да максимал даражада яқинлашган бўлиб, соатига 12 800 километр тезликда 3,7 миллион километр узоқликдан учиб ўтган. Бу Ойгача бўлган масофадан 9,6 баробарга кўп демак.
Олимларнинг таъкидлашича, диаметри 288 метр бўлган астероид ўз ўқи атрофида 4,9 соат ичида бир марта айланишни амалга оширади.
Мазкур космик жисм 2010 йилда очилган. Астероид потенциал хавфли осмон жисмлари синфига кирса-да, унинг сайёра билан тўқнашув эҳтимоллиги жуда кам.
Июнь ойининг бошларида ҳам катталиги футбол майдонига тенг астероид Ерга яқинлашаётгани тўғрисида хабар берилганди.
Мавзуга доир: Нега астероид билан тўқнашув сайёрамиз учун хатарли?
Изоҳ (0)