Самарқанд вилоятида яшовчи 3 нафар фуқарони Самарқанд давлат тиббиёт институтига 18 000 АҚШ доллари эвазига ўқишга киритиб қўйишни ваъда қилган шахс ушланди, деб «Дарё»га хабар беради Давлат хавфсизлиги хизмати.
Қайд этилишича, Самарқанд вилояти Ургут тумани кўп тармоқли марказий поликлиникасида ишловчи шифокор Самарқанд давлат тиббиёт институтидаги юқори лавозимли танишлари орқали 3 нафар фуқарони мазкур олий ўқув юртига ўқишга киритиб қўйишни ваъда қилган. Шахс 18 минг АҚШ доллари олаётган вақтида ашёвий далиллар билан ушланди.
Тезкор тадбир давом эттирилиб, унинг ҳамтовоғи бўлган Республика шошилинч тиббий ёрдам илмий марказининг Самарқанд филиали шифокори ҳам қўлга олинди.
Ҳозирда аниқланган ҳолатлар юзасидан Жиноят кодексининг тегишли моддаларига асосан жиноят ишлари қўзғатилиб, тергов ҳаракатлари доирасида ушбу ноқонуний ишларга алоқадор бўлган шахсларни аниқлаш бўйича зарур чора-тадбирлар амалга оширилмоқда.
Мавзуга доир:
- Самарқандда университетга ўқишга киритиб қўйиши эвазига 6 минг доллар сўраган физика ўқитувчиси қўлга олинди
- Қашқадарёда 650 минг сўм эвазига диплом ёзиб беришни таклиф қилган коллеж директори ўринбосари қўлга тушди
- Бухоро давлат университети ўқитувчиси ўқишга киритиб қўйиш эвазига 4 минг доллар пора олаётганида ушланди
Изоҳ (0)