Нукус шаҳрида Қорақалпоғистон Мудофаа ишлари бошқармасининг янги биноси қурилишига старт берилди, дея хабар беради «Дарё»га Шимоли-ғарбий ҳарбий округ матбуот хизмати.
Қайд этилишича, 15 июль куни Нукус шаҳрида Шимоли-ғарбий ҳарбий округ қўшинлари қўмондони полковник Фарҳоджон Шерматов Қорақалпоғистон Мудофаа ишлари бошқармасининг маъмурий биноси қурилиши билан боғлиқ жараённи кўздан кечирди ҳамда қурилиш ишларига рамзий старт берди.
Таъкидлаш жоиз, 2020 йилнинг май ойида Нукус шаҳри марказида барпо этилаётган Nukus City шаҳарчасининг қурилиши туфайли Қорақалпоғистон кўчасининг 11-уйида жойлашган Қорақалпоғистон Мудофаа ишлари бошқармасининг маъмурий биноси вақтинча бошқарманинг Чақирув участкаси жойлашган ҳудудга кўчирилган эди.
Мудофаа ишлари бошқармаси капитал қурилиши учун Қорақалпоғистон Жўқорғи Кенгесининг маҳаллий бюджетидан 5,950 миллион сўм маблағ ажратилиб, тендер савдолари якунлари бўйича қурилиш ишлари «Golden star» МЧЖ томонидан амалга оширилиши белгиланган.
Қурилиши режалаштирилаётган бинонинг смета-лойиҳа ҳужжатларига кўра, Мудофаа ишлари бошқармаси 3 қават ҳамда ертўладан иборат бўлиб, замонавий андозада барча қулайликларга эга бўлган 70 дан зиёд хизмат хоналарини ўз ичига олади.
Мавзуга доир:
- Марказий ҳарбий округига қарашли «Сазаган» дала ўқув майдони фойдаланишга топширилди (фото)
- Сурхондарёдаги қўриқхонада содир бўлган ёнғинни ўчиришга иккита вертолёт ва 200 нафар ҳарбий хизматчи жалб этилди (видео)
- Ўзбекистонда пандемия бошидан буён Мудофаа вазирлиги томонидан қанча ҳудуд дезинфекция қилингани очиқланди
Изоҳ (0)