Ҳиндистон коронавирусга чалинганлар сони 1 миллиондан ошган учинчи мамлакат бўлди, деб хабар бермоқда «РИА Новости».
Ҳиндистон соғлиқни сақлаш вазирлиги маълумотларига кўра, мамлакатда вирус қайд этилганлар сони 1 003 832 кишига етди. Уларнинг аксарияти Махараштра (284 281 киши), Тамилнад (156 369 киши) штатлари ва Дели шаҳрига (118 645) тўғри келмоқда. Қайд этилишича, бу ҳисобга Ҳиндистон ҳудудида касалланган бошқа давлат вакиллари ҳам киради.
Мамлакатда коронавирусга чалинган беморларнинг 25 602 нафари вафот этган, 342 473 нафари даволанмоқда.
Жонс Ҳопкинс маълумотларига кўра, Ҳиндистон касалланганлар сони бўйича дунёда учинчи ўринда. Мамлакат ушбу поғонага 6 июль куни 697 413 та касалланиш ҳолати билан чиққан бўлиб, шу вақтгача касалланганлар сони бўйича дунёда учинчи ўринда бўлиб келган Россиядан ўзиб кетган.
COVID-19’га чалинганлар сони бўйича дунёда биринчи ўринни АҚШ (3,5 миллиондан ортиқ киши), иккинчи ўринни Бразилия (2 миллион киши) эгаллаб келмоқда.
Вирус қурбонлари сони бўйича Ҳиндистон саккизинчи ўринда.
Изоҳ (0)