Нафақат қиёфаси, балки истеъдоди билан ҳам эътироф этиладиган қуйидаги актрисаларнинг карьераси гўзаллик танловидан бошлагани кўпчиликка номаълум. Моделликдан киносаноатига қадам қўйганидан кейин ўз устида ишлаган ушбу турк юлдузлари, гўзаллик ва маҳорат бир инсонда мавжуд бўла олишининг исботи ҳисобланади.
Небаҳат Чеҳре
Туркияда донғи кетган актриса фаолиятини 1960 йилдаги гўзаллик танловида иштирок этганидан кейин бошлаган ва 15 ёшида «Туркия гўзали» деб топилган. Шундан кейин ёш Небаҳатга моделлик ва актрисалик учун турли-туман таклифлар келиб туша бошлайди. Ярим асрдан кўп вақтдан бери бир қанча сериал ва киноларда роль ижро қилган актриса «Муҳташам юз йил»да волида образини ҳам жонлантирган.
Айдан Шенер
1986 йилда суратга олинган «Чолиқуши» сериалида Фериде образи билан яхши таниш бўлган Айдан ҳам актрисаликдан олдин гўзаллик танловида иштирок этган ва 1981 йил «Туркия гўзали» деб топилган.
Ҳюля Авшар
«Косем» сериалида Мурод III нинг онаси София ролини гавдалантирган актриса, нафақат чиройи, балки истеъдоди билан ҳам мухлислар меҳрига сазовор бўлган. Арсеналида 60 га яқин картиналар бўлган актриса, мамлакатида қўшиқчи сифатида ҳам яхши маълум ва 2000 йилнинг энг яхши қўшиқчиси деб топилган. Бу ҳали ҳаммаси эмас, Ҳюля ўзини режиссёрлик, сценарий муаллифи, продюсер, журналист сифатида ҳам синаб кўрган. Унга қарашли Ҳюля журнали ҳамда телешоу бор. Айни вақтда 57 ёшда бўлган актриса ҳам карьерасини 1983 йилдаги гўзаллик танловидан кейин бошлаган.
Мелиса Асли Памук
Ўзбек томошабинларига «Севги изтироби» сериалидаги Асли роли билан яхши маълум бўлган Мелиса, 2011 йилдаги гўзаллик танловида, «Туркия гўзали» деб топилган ва шундан кейин кинодан таклифлар келиб туша бошлаган. Актриса айни дамда «Янги ҳаёт» деб номланган янги сериалда суратга тушиш билан банд.
Ҳанде Эрчел
Гўзаллик танловида иштирок этиш учун 19 яшар Ҳанде Озарбайжонга жўнаб кетган ва танловда иккинчи ўринга лойиқ деб топилган. Шундан кейин уни турли журнал муқовалари учун суратга тушишга ва кинога таклиф қила бошлашган. «Чолиқуши»да дебют роль ижро қилган актриса «Маликам менга қара» сериалидаги роли билан яхши эсда қолган. Айни вақтда актриса, «Эшигимни тақиллат» сериалида суратга тушиш билан банд.
Жансу Дере
«Муҳташам юз йил»да Хуррам султоннинг ашаддий рақибларидан бўлган Фируза ролини гавдалантирган актриса, «Сила. Уйга қайтиш», «Эзел», «Аччиқ севги» сериалларидаги ролларини ҳам маҳорат билан ижро қилган. Жансу ҳам юқоридаги ҳамкасблари сингари фаолиятини гўзаллик танловидан бошлаган ва ғолиблар учталигидан ўрин олган. Шундан кейин моделлик агентлиги ва кинодан таклифлар кела бошлаган ва Туркиянинг энг кўп ҳақ тўланадиган актрисаларидан бирига айланган. Кейинроқ бўлса ўзини актриса сифатида синаб кўришни истайди ва «Кузги ёнғин» сериалидаги ролидан кейин атрофдагилар томонидан нафақат гўзал, балки истеъдодли, келажаги бор актриса деб ҳам эътироф этила бошлайди.
Изоҳ (0)