Футбол бўйича Англия чемпионатининг 36-турида «Арсенал» 15 июль, чоршанба куни «Ливерпуль»ни меҳмон қилди.
Учрашувнинг 20-дақиқасида Садио Мане меҳмонларнинг тезкор ҳужумини гол билан якунлади. 32-дақиқада Виржил ван Дейк ҳимояда хатога йўл қўйди ва бундан унумли фойдаланган Александр Ляказетт ҳисобни тенглаштирди.
44-дақиқада «Ливерпуль» ўз дарвозасидан яна бир тўп олиб чиқди. Бу сафар Алиссоннинг хатосидан кейин Рис Нелсон лондонликларнинг иккинчи голини урди. Иккинчи бўлимда ҳар икки жамоада бир қатор имкониятлар юзага келди, бироқ танаффусдан кейин дарвозалар даҳлсиз қолди.
Ушбу ғалабадан кейин «Арсенал» очколарини 53 тага етказиб олган ҳолда 9-ўринга кўтарилди. Чемпионлик масаласини ҳал қилиб қўйган «қизиллар» эса 93 очко билан қолди.
«Ливерпуль» кейинги турда «Челси» билан ўйнайди, «Арсенал» эса «Астон Вилла» майдонига сафар қилади.
АПЛ
36-тур баҳси
15 июль, чоршанба
«Арсенал» — «Ливерпуль» 2:1
Голлар: 0:1 – 20 Мане, 1:1 – 32 Ляказетт, 2:1 – 44 Нелсон.«Арсенал»: Мартинес, Давид Луиз, Ҳолдинг, Тирни, Соареш (Мэйтленд-Найлз, 76), Торрейра (Себальос, 57), Жака, Нелсон (Обамеянг, 58), Пепе, Ляказетт (Уиллок, 58), Сака (Колашинац, 85).
«Ливерпуль»: Алиссон, Александер-Арнольд, Робертсон, ван Дейк, Гомес, Фабиньо, Окслейд-Чемберлен (Кейта, 61), Вейналдум (Шакири, 83), Мане, Салоҳ (Ориги, 83), Фирмино (Минамино, 61).
Огоҳлантиришлар: Торрейра (46), Александер-Арнольд (48), Жака (81), Себальос (90+1).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)