Ҳабиб Нурмагомедов ҳамда Жастин Гэтжи ўртасидаги жанг қачон ва қаерда ўтказилиши маълум бўлди

Енгил вазн тоифасида UFC чемпиони Ҳабиб Нурмагомедов ва вақтинчалик чемпион Жастин Гэтжи ўртасидаги жанг Абу-Дабидаги (БАА) «Жангчилар ороли»да ўтказилмайди.

Шердоғнинг хабар қилишича, мазкур яккакурашчилар иштирокидаги UFC 253 мусобақаси АҚШнинг Лас-Вегас шаҳрида бўлиб ўтади. UFC кечаси 19 сентябрда бўлиб ўтиши режалаштирилган.

Аввалроқ Ҳабиб ва Гэтжи ўртасидаги жанг Абу-Дабида бўлиб ўтиши айтилаётганди.

Промоушен президенти Дэйна Уайт яқинда отасидан айрилган Ҳабибнинг мазкур жангда иштирок этишига ишонмоқда. Шунингдек россиялик яккакурашчининг ўзи ҳам кузда октагонга қайтишини айтганди.

Эслатиб ўтамиз, Жастин жорий йилнинг май ойида Тони Фергюсонни мағлуб этиб, енгил вазн дивизиони вақтинчалик чемпионига айланганди.

Мавзуга доир: