Англия Премьер Лигаси ёзги трансферлар ойнаси муддатига ойдинлик киритди.
Англияда ёзги трансфер ойнаси 27 июлдан 5 октябрга қадар, ўн ҳафта мобайнида очиқ бўлади.
Шунингдек, мамлакат ичида келишув ва ижара шартномаларини расмийлаштириш учун 5—11 октябрь кунлари қўшимча трансфер ойнаси жорий қилинади. Бироқ мазкур вақт давомида Премьер Лига клублари ўзаро олди-сотди қилолмайди ва фақат қуйи лига жамоалари билан ишлай олади.
Таъкидланишича, трансфер ойнаси ФИФА тавсияларига мос келади.
Эслатиб ўтамиз, коронавирус пандемияси сабаб Англия чемпионати баҳорда вақтинча тўхтатилди. Шу сабаб ёзги трансфер ойнасининг одатий муддатларига ўзгариш киритилди. Аслида Англияда ёзги трансферлар ойнаси июндан август охирига қадар давом этади.
Мавузга доир:
- Италия А Сериясида ёзги трансферлар ойнаси вақти ўзгарди
- Германияда ёзги трансфер ойнаси муддатлари маълум бўлди
- Ўзбекистонда ёзги трансферлар ойнаси муддати ўзгарди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)