Jastin Getji: “Habib, men judayam afsusdaman”
Yengil vazn toifasida UFС’ning vaqtinchalik chempioni Jastin Getji Abdulmanap Nurmagomedovning vafoti munosabati bilan hamdardlik bildirdi.
“Afsonaviy Abdulmanap Nurmagomedov haqidagi yangilikni eshitish dahshatli. Habib, men judayam afsusdaman.
Otang sen uning merosini munosib himoya qilishingni bilib, yuragi g‘ururga to‘lgan holda hayotdan ko‘z yumdi”, – deb yozgan Getji Twitterda’gi sahifasida.
Eslatib o‘tamiz, Habib Nurmagomedov va Jastin Getji o‘rtasidagi jang 2020-yilning sentabr oyida Abu-Dabidagi UFC 253 musobaqasida o‘tkazilishi rejalashtirilgan.
Yengil vazn toifasida UFC chempioni Habib Nurmagomedovning otasida may oyida koronavirus aniqlangandi. Avvalroq Habib koronavirus ortda qolgani, biroq otasining ahvoli og‘ir ekanini aytgandi. 3-iyul kuni esa katta Nurmagomedov hayotdan ko‘z yumdi.
Ma’lumot uchun, Abdulmanap Nurmagomedov 1962-yil 10-dekabrda Dog‘istonda tug‘ilgan. Dzyudo va sambo bo‘yicha Ukraina chempioni. Rossiyada xizmat ko‘rsatgan murabbiy. Jangovar sambo bo‘yicha Dog‘iston terma jamoasi katta murabbiyi sifatida faoliyat olib borgan.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
