«Манчестер Юнайтед»дан кетадиган 6 нафар футболчи номи маълум бўлди

«Манчестер Юнайтед» ёзги трансферлар ойнасида таркибда катта ўзгаришларни амалга оширмоқчи. Бу ҳақда The Telegraph хабар бермоқда.

Таъкидланишича, мавсум охирида клубни ҳимоячилар Крис Смоллинг, Фил Жонс, Диогу Далот, Маркос Рохо, ярим ҳимоячи Жесси Лингард ва ҳужумчи Алексис Санчес тарк этиши кутилмоқда.

Клуб раҳбарияти шу тариқа жамоа бош мураббийи Оле-Гуннар Сульшерга янги ўйинчиларни сотиб олиш учун керакли бўлган маблағни тақдим этади. Ҳозирда норвегиялик мутахассиснинг асосий мақсади — «Боруссия Дортмунд» ярим ҳимоячиси Жейдон Санчо бўлиб турибди. Шунингдек, Сульшер агар имкониятлар етарли бўлса, ҳужум ва марказий ярим ҳимоя чизиқларини ҳам кучайтирмоқчи.

Аввалроқ «Манчестер Юнайтед» Санчонинг ўрнига «Барселона» ҳужумчиси Усмон Дембелени сотиб олиши мумкинлиги ҳақида хабарлар тарқалган эди.

35-турдан кейин Манчестер клуби 59 очко билан мусобақа жадвалида 5-ўринни эгаллаб турибди. Жамоа Чемпионлар Лигаси йўлланмаси учун кураш олиб бормоқда.