Футбол бўйича Coca-Cola Суперлига 9-туридан ўрин олган 14 июль, сешанба кунги баҳслар якунланди.
Тошкентнинг «Локомотив» жамоаси ўз уйида «Машъал»ни қабул қилди. Учрашувнинг 71-дақиқасида меҳмонлар ўйиндаги ягона голни урди. Нажмиддин Нормуродов жарима тўпидан айёрона зарба йўллаб дарвозабонни доғда қолдирди.
Ушбу ғалабадан сўнг муборакликлар очколарини 9 тага етказиб олди ва 10-ўринга кўтарилди. «Локомотив» (12) эса 8-поғонада бормоқда.
Параллел кечган баҳсда «Қўқон-1912» ва «Насаф» жамоалари ўзаро тўқнаш келди. 54-дақиқада Шароф Муҳитдинов узоқ масофадан қўқонликлар дарвозасини иғол қилди. 62-дақиқада майдон эгаларининг марказий ҳимоячиси Бобур Акбаров мувозанатни тиклади.
84-дақиқада Ойбек Бозоров «Қўқон» ҳимоясидаги хатодан унумли фойдаланиб, қаршиликларнинг навбатдаги голини урди. Бироқ орадан икки дақиқа ўтиб, Акбаров яна бир марта ҳисобни тенглаштирди.
Ушбу натижадан сўнг Бахтиёр Ашурматов жамоаси 16 очко билан 4-поғонада қолди. Худди шунча очко тўплаган «Насаф» 6-ўринда бормоқда.
9-турдан сўнг мусобақа жадвали қуйидаги кўринишни олди:
Coca-Cola Суперлига
9-тур баҳслари
14 июль, сешанба
«Локомотив» — «Машъал» 0:1
Голлар: 0:1 – 71 Нормуродов.«Локомотив»: 1.Игнатий Нестеров, 4.Шаҳзод Шайманов (22.Камрон Саидазимов, 77), 5.Славко Дамянович, 6.Даврон Умиров (8.Вадим Афонин, 46), 7.Кахи Махарадзе, 9.Кирилл Погребняк (18.Иброҳим Ғанихонов, 77), 11.Темурхўжа Абдухолиқов, 19.Авазбек Ўлмасалиев (70.Ойбек Қиличев, 68), 28.Шуҳрат Муҳаммадиев (25.Жавоҳир Алижонов, 68), 37.Шерзод Файзиев, 80.Фаррухжон Иброҳимов.
«Машъал»: 35.Раҳимжон Давронов, 5.Нажмиддин Нормуродов, 6.Сирожиддин Раҳматуллаев, 7.Ифеани Ифеани (11.Мўминжон Мелиев, 66), 9.Никита Павленко (77.Иброҳим Нў‘монов, 77), 10.Шерзод Темиров, 14. Элла Кен Арманд (8.Аҳрор Иноятов, 80), 17.Жамолиддин Убайдуллаев, 18.Аббос Шодмонов, 22.Сирожиддин Қўзиев, 23.Самандар Шукуриллаев.
Огоҳлантиришлар: Махарадзе (20), Павленко (22), Иброҳимов (43), Шайманов (50), Афонин (63).
«Қўқон-1912» — «Насаф» 2:2
Голлар: 0:1 – 54 Муҳитдинов, 1:1 – 62 Акбаров, 1:2 – 84 Бозоров, 2:2 – 86 Бозоров.«Қўқон-1912»: 21.Музаффар Абдуллаев, 3.Бобур Акбаров, 7.Шоҳназар Норбеков (17.Музаффар Музаффаров, 66), 9.Суҳроб Бердиев (19.Хамидулло Абдуҳамидов, 85), 10.Қувондиқ Рўзиев (22.Муҳаммаданас Ҳасанов, 85), 13.Сардор Азимов, 15.Ойбек Рустамов, 20.Иқбол Маликжонов, 23.Александр Мерзляков, 70.Мурод Холмуҳаммедов, 91.Якуба Бамба (69.Филипп Раевац, 59).
«Насаф»: 21.Машҳур Муҳаммаджонов (35. Абдувоҳид Нематов, 66), 5.Ғолиб Ғайбуллаев, 14.Шароф Муҳитдинов, 15.Жўрабек Маннонов (8.Дилшод Саитов, 82), 19.Ҳусаин Норчаев, 20.Ислом Кенжабоев (10.Бобир Абдихолиқов, 64), 22.Акмал Мозговой, 34.Шерзод Насруллаев, 77.Ойбек Бозоров, 88.Марко Станоевич (9.Харис Дилавер, 82), 92.Умар Эшмуродов.
Огоҳлантиришлар: Мозговой (6), Бердиев (26), Холмуҳаммедов (26).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)