Ўзига хос кийиниш услуби билан яхши таниш бўлган Испания қироличаси Летисиянинг жазирама кунларда кийиш учун танлаган образларини эътиборингизга ҳавола этамиз.
Банан шаклини эсга соладиган шим
Фото: Cosmopolitan
Мазкур моделдаги шим белнинг нозиклигига урғу бериш, ортиқча ёғларни яшириш хусусиятига эга экани билан бошқа шимлардан фарқ қилади. Летисияники сингари елка ва енг қисми ноанъанавий бичимли трикотаж кофта образни янада қизиқарли кўрсатади. Балериналарники сингари боғичли туфли эса назокатли кўриниш имкониятини беради.
Миди узунлигидаги юбка
Фото: Cosmopolitan
Узунлиги тиззадан пастда турадиган миди узунлигидаги, кенг бичимли юбка ва енгсиз топ иссиқ кунлар учун энг яхши танлов. Танкетли оёқ кийим эса ҳаракатланиш учун қулайлиги билан бирга, либосга урғу бериш хусусиятига эга.
Қизил ва минимал услубдаги либос
Фото: Cosmopolitan
Ортиқча безаклардан ҳоли, миди узунлигидаги, елкаси очиқ либос уни кийган инсонни латофатли ва чиройли қилиб кўрсатади. Қироличанинг қадди-қомати ушбу либосда 20 яшар қизларникидек кўринганини инкор этиб бўлмайди.
Комбинезон
Фото: Cosmopolitan
Оқ-қора принтли ушбу комбинезоннинг пастки қисми алоҳида шим, юқори қисми эса кофта сингари мукаммал кўринади. Белдаги боғич эса моделнинг ўзига хослиги саналади. Саватни эсга солувчи деталь — қора чарм қўшилган сумка эса образга долзарб тус беради.
Белбоғли кўйлак
Фото: Cosmopolitan
Қироллик оиласи вакиллари белни ихчам кўрсатиш учун камардан фойдаланмасликни афзал билади. Аммо Летисия образида бунинг ечимини топгани, белбоғли ёзги либос билан кўркам кўринишга эга бўлганини билиш мумкин.
Олд қисми «запах»ли, этаклари кенг либос
Фото: Cosmopolitan
Мазкур яшил либосни қиролича Пальма-де Майорка оролига ташриф буюриш учун танлаган. Енгил ва ҳаво ўтказадиган матодан тикилган, яшил рангли, шунингдек, енги узунлиги сабаб қуёшдан сақланишга ёрдам берадиган ушбу моделнинг олд қисми «запах» услубида бичилган бўлиб, этак қисмлари кенг ва ноанъанавийлиги билан жозибали кўрсатади.
Мавзуга доир:
