Машҳур инсонларнинг тўй маросимида, кийган либослари ва улар билан боғлиқ деталлар ҳамиша жамоатчилик учун қизиқ бўлган.
Малика Диана
Фото: Elle
Малика Диананинг келинлик либоси эр-хотин дизайнерлар Дэвид ва Элизабет Эмануэллар томонидан тикилган бўлиб, улар малика билан расмий фотосессиялардан бирида учрашганидан кейин машҳурликка эришган. Суратга олиш жараёнида дизайнерлар томонидан маликага кийиш учун таклиф қилинган блузка Дианага шунчалик ёққанидан, у никоҳ либоси ҳам айнан ушбу дизайнерлар томонидан тақдим қилишини истаган. Никоҳ маросими муқаддас Павел ибодатхонасида ўтказилиш тахмин қилингани боис, маросимдан аввал 8 метр ва оғирлиги 59 фут бўлган шлефда ҳаракатланишга қийин бўлмаслиги учун репитиция бўлиб ўтган. Репитиция учун бичим ва узунлиги келин кўйлакникидек бўлган, аммо оддий пахта матосидан тикилган либосдан фойдаланилган. Либос дизайнининг аниқлаштириб олиш чўзилмаган бўлса-да, уни тикиш жараёни узоқ вақт давом этган. Келинлик либосига тўсатдан бирон нима бўлиб қолса, нима қилишни билмай шошиб қолмаслик учун битта моделдаги либосдан иккита тикилган. Иккинчи нусха керак бўлмаган ва маросимдан кейин аукционда 175 минг долларга сотиб юборилган. Асл либоснинг нархи эса бугунги кунгача сир сақланади.
Элизабет Тэйлор
Фото: Elle
Элизабет биринчи турмуш ўртоғи, миллионер Конрад Хилтон билан тўйида кийган либоси, 2013 йил Лондондаги Christie’s аукционида сотувга қўйилган. 75 минг долларга сотилиши кутилган либос, 188 минг долларга харид қилинган. Ушбу либос, Metro-Goldwyn-Mayer киностудияси туҳфаси бўлиб, у дизайнер Ҳелен Роуз томонидан тикилган. Асоси оқ атлас матосини ташкил қиладиган, марварид ва мунчоқлар билан безатилган либос тайёр бўлиши учун уч ой атрофида вақт сарфланган.Тул матосидан тикилган фата, кумуш ип ва бисерлар билан безалган.
Мерлин Монро
Фото: Elle
Бейсболчи Жо Ди Маджога турмушга чиққан актриса, тўй куни кийган либоси билан барчани ҳайратга солган. Голливуд юлдузлари никоҳ либосини ҳаммадан ажралиб туриш ва ҳашаматли бўлиши учун миллионлаб пул сарфлаётган бир вақтда, Монро 250 долларга оддий камига ранги жигарранг бўлган либос кийишни афзал билган. Ушбу танлови билан Мерлин, гўзал ва ўзига хос бўлиш учун катта маблағ сарф этиш шартмаслигини исботлаган. Актриса кийган либос 1999 йилда 33,5 минг долларга сотилган.
Шерон Тейт
Фото: Elle
Америкалик актриса ва модель «Қўгирчоқлар водийси» фильмидаги ижросидан кейин «Олтин глобус» мукофотига номзоди қўйилган. Актриса 1968 йил Лондонда режиссёр Роман Полански билан турмуш қурган ва маросим учун калта, олд қисми ёпиқ, фил суяги рангида, марварид билан безатилган либосни кийишни маъқул билган. Тўйдан бир йил ўтиб Тейт, ҳомиладорлигининг 9 ойида Чарльз Менсон бошчилигидаги жиноий гуруҳ томонидан шафқатсизларча ўлдирилган. Шундан кейин Лос-Анжелесда актриса буюмлари ва либослари аукционга қўйилган ва унинг тўй либоси 56 минг долларга сотилган.
Меган Маркл
Фото: Elle
Меган Маркл тўйида дизайнер Stella McCartney томонидан тикилган либосни кийишни афзал билган. Мазкур кўйлак аукционга қўйилмаган бўлишига қарамай, маросимдан кейин Stella, Made with Love номли илк келин либослари тўпламини тақдим қилган. Ундан шифон ва тўрдан тикилган 17 либос ҳамда смокинг ва комбинезонлар ҳам ўрин олган.
Мавзуга доир:
