Футбол бўйича Беларусь чемпионатининг 17-турида «Энергетик-БГУ» 12 июль, якшанба куни «Рух Брест»ни қабул қилди.
Учрашувда меҳмонлар йирик ҳисобдаги ғалабани қўлга киритди. Брестликлар сафида 20 ёшли Артём Концевой ҳет-трик қайд этган бўлса, Денис Гречихо, Артём Раҳмонов, Евгений Шевченко, Александр Мигунов ва Олег Никифоренко бир мартадан минскликлар дарвозасини ишғол қилди. «Талабалар»нинг ягона жавоб тўпига Владислав Муҳамедов муаллиф бўлди.
Мазкур ўйинда ўзбекистонлик футболчи Шаҳбоз Умаров 50-дақиқа ҳаракат қилди.
Шу тариқа «Энергетик-БГУ» Жасур Яхшибоев кетганидан кейинги илк ўйинда йирик ҳисобда таслим бўлди. Биринчи даврада пойтахтликлар ушбу жамоани мағлуб этган (1:0) ва унда Яхшибоев голли узатма муаллифига айланганди.
Эслатиб ўтамиз, Жасур Солгорскнинг «Шахтёр» клубига ўтиб кетди. Унинг жамоаси 11-турда ғалабага эришди. Ўзбекистонлик ҳужумчи дебют ўйинида гол урди.
Беларусь Олий Лигаси
17-тур баҳси
12 июль, якшанба
«Энергетик-БГУ» — «Рух Брест» 1:8
Голлар: 0:1 – 13 Концевой, 0:2 – 31 Гречихо, 0:3 – 40 Раҳмонов, 0:4 – 42 Шевченко, 0:5 – 63 Мигунов, 0:6 – 66 Концевой, 0:7 – 78 Концевой, 1:7 – Муҳамедов, 1:8 – 86 Никифоренко.«Энергетик-БГУ»: Садовский, Основ, Мирошников, Юдчиц, Мавату, Шкурдюк, Умаров (Совпел, 50), Башилов, Носко, Гирс, Атеменг (Муҳамедов, 46).
«Рух Брест»: Степанов, Мигунов, Раҳмонов, Гайдучик, Ковтун, Василев, Гречихо, Шевченко (Никифоренко, 80), Осучукву, Концевой, Богомолский.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)