Туркманистонда 27 июнь куни бўлиб ўтган адабиёт, санъат ва маданият намояндалари ва иқтидорли болалар ўртасидаги «Türkmeniň Altyn asyry» (Туркманларнинг олтин асри) танлови ғолиблари Туркманистон президентининг олтин занжири ва 3 500 манат билан тақдирланди, деб хабар берди «Хроника Туркменистана».
Фото: «Хроника Туркменистана»
Қайд этилишича, Марказий банк Президент хайрия жамғармаси ажратган совғаларга 574 минг манат сарфланган. Аммо «Хроника Туркменистана» нашри мухбирларига кўра, мукофот пули ғолибларнинг ўзлари ҳисобидан тўланган.
Ўтган йиллардаги икки ғолибнинг таъкидлашича, тақдирланувчилар Маданият вазирлигига олдиндан таклиф қилинади ва икки ойлик маошни маълум ҳисоб рақамига ўтказиш таклиф этилади.
Давлат мукофотлари билан тақдирланганлар кўпинча турли давлат тантаналарига таклиф этилади, баъзан улар телевидениеда чиқади ва делегациялар таркибида чет элга боради.
«Мукофот эгалари мамлакатдаги тўйларда ҳам яхши кутиб олинади, уларга тегишли совғалар ва ҳадялар берилади», – деди ўтган йилги ғолиб.
Шунингдек, бу йил мукофот танлов комиссиясининг махсус илтимосига биноан Президентнинг набираси Каримқули Бердимуҳамедовга ҳам топширилди.
