Футбол бўйича Coca-Cola Суперлига 9-турининг дастлабки ўйинида «Андижон» ва «Сурхон» жамоалари 12 июль, якшанба куни ўзаро баҳс юритди.
Учрашувнинг 45-дақиқасида меҳмонлар стандарт вазиятдан сўнг ҳисобни очди. Шерзод Каримовнинг узатмасини Александр Касян боши билан дарвоза аниқ йўллаб, ўйин тақдирини ҳал қилган голга муаллиф бўлди.
59-дақиқада майдон эгаларининг легионери Эммануэль Аривчукву иккинчи сариқ карточкани олиб, майдондан четлатилди. Қолган вақтда ҳисоб ўзгармади.
Маълумот учун, «Сурхон» 1994 йилдан буён Андижонда ғалаба қозона олмаётганди. Шу тариқа Равшан Ҳайдаров шогирдлари 26 йиллик нохуш анъанага чек қўйди.
Мавсумдаги иккинчи ғалабасини қўлга киритган «Сурхон» 7 очко билан 10-ўринга кўтарилди. «Андижон» (5) эса 12-поғонада қолди.
Coca-Cola Суперлига
9-тур баҳси
12 июль, якшанба
«Андижон» — «Сурхон» 0:1
Гол: 0:1 – 45 Касян.«Андижон»: Исломбек Абдуллаев, Фарҳод Мираҳматов, Хушнудбек Авилов (Қаҳрамон Баҳодиров, 76), Жамшид Ҳасанов (Артём Литвяков, 70), Фарҳод Бекмуродов, Эммануэль Аривчукву, Мишел Ибе, Усмонали Исмоналиев, Темур Усмонов (Бахтиёржон Қосимов, 83), Жаҳонгир Абдумўминов (Сирож Мелиев, 70), Дмитро Зозуля.
«Сурхон»: Акбар Тўраев, Абдуқаҳҳор Хожиакбаров (Ҳусниддин Ғофуров (1997), 76), Шерзод Каримов (Владимир Бубаня, 90+3), Шавкат Саломов, Александр Касян, Аъзамжон Алиев, Азиз Ибрагимов (Сардор Сулаймонов, 78), Жаҳонгир Меҳмонов, Дарко Станоевич, Беҳруз Шайдулов, Асрор Ғофуров.
Огоҳлантиришлар: Окоро (47), Аривчукву (52), Асрор Ғофуров (59), Касян (64).
Четлатиш: Аривчукву (59).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)