Футбол бўйича Англия Премьер Лигасининг 35-туридан ўрин олган Лондон дербисида «Тоттенҳэм» ва «Арсенал» 12 июль, якшанба куни ўзаро баҳс юритди.
Учрашув фаол бошлаган «Арсенал» футболчилари 16-дақиқада ҳисобни очди: Александр Ляказетт жарима майдони ташқарисидан кучли зарба йўллаб, жамоасини олдинга олиб чиқди. Орадан уч дақиқа ўтиб майдон эгалари ҳисобни тенглаштирди. Сон Ҳён Мин рақиб ҳимоясидаги хатодан кейин дарвозабон билан бирга-бир вазиятга чиқиб борди ва ўз имкониятини кўкка совурмади.
Иккинчи бўлимда ҳам кичик устунлик Микель Артета шогирдлари томонидан бўлган бўлса ҳам, гол уриш «шпорлар»га насиб этди. 81-дақиқада Тоби Алдервейрлд бурчакдан узатилган тўпга боши билан зарба бериб, «канонирлар» дарвозасини ишғол қилди.
Мазкур ғалабадан кейин «Тоттенҳэм» 52 очко билан 8-ўринга кўтарилди. «Арсенал» (50) эса 9-поғонада қолди.
АПЛ
35-тур баҳслари
12 июль, якшанба
«Тоттенҳэм» — «Арсенал» 2:1
Голлар: 0:1 – 16 Ляказетт, 1:1 – 19 Сон Ҳён Мин, 2:1 – 81 Алдервейрелд.«Тоттенҳэм»: Льорис, Орье, Алдервейрелд, Дэвис, Санчес, Уинкс, Ло Чельсо (Скипп, 84), Лукас Моура (Бергвейн, 82), Сиссоко, Сон Ҳён Мин (Ламела, 90), Кейн.
«Арсенал»: Мартинес, Бельерин (Соареш, 84), Давид Луиз, Мустафи, Тирни (Уиллок, 84), Себальос, Жака, Пепе (Сака, 70), Колашинац (Нелсон, 84), Ляказетт, Обамеянг.
Огоҳлантиришлар: Ло Чельсо (16), Орье (34), Ляказетт (45), Дэвис (45), Пепе (61), Уинкс (76), Бергвейн (87), Сака (90).
«Вулверҳэмптон» — «Эвертон» 3:0
Голлар: 1:0 – 45, пенальти Хименес, 2:0 – 46 Дендонкер, 3:0 – 74 Диогу Жота.«Астон Вилла» — «Кристал Пэлас» 2:0
Голлар: 1:0 – 45 Трезеге, 2:0 – 59 Трезеге.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)