Қашқадарё вилоятининг Қарши шаҳрида сохта Миллий гвардия ходими қўлга олинди. Бу ҳақда «Дарё»га хабар берган вилоят ИИБ ахборот хизматининг таъкидлашича, сохта ходим Касби туманида туғилган 22 ёшли фуқаролиги маълум бўлган.
Фото: «Дарё»
Таъкидланишича, сохта ходим 2020 йил 9 июль куни соат 23:00 да вилоят ИИБ ППХ ва ЖЦБ патруль-пост хизмати баталёни 2-отряд ходимлари — сержант Бунёд Йўлдошев ҳамда Асқар Каримов томонидан қўлга олинган.
Фото: «Дарё»
Тунги соат 23:00 да Қарши шаҳридаги «Ерқўрғон» бозори атрофида фуқаро бошқарувидаги Nexia’дан чиқаётган серена овози ходимларда шубҳа уйғотган. ИИБ ходимлари эътиборини тортган машинада Миллий гвардия ходими ҳам мавжуд бўлиб, у тунги рейд тадбирини олиб бораётган бўлган. ИИБ ходимлари автомашинани кузатиб бориб, тўхтаган жойида ҳайдовчидан ҳужжатларини сўраган. Миллий гвардия хизматчисининг ҳаракати билан қизиққан.
Фото: «Дарё»
«Ички ишлар ходимлари ва автомашина ҳайдовчиси, шунингдек, Миллий гвардия формасидаги фуқаро билан бўлиб ўтган савол-жавобларда ҳайдовчи ва унинг ёнидаги Миллий гвардия хизматчиси формасидаги суҳбатдош ИИБ ходимлари талабига бўйсунмаган.
Тунги навбатчилик ходимлари ҳайдовчи ва унинг шериги шахсига аниқлик киритиш мақсадида уларни Қарши шаҳар 4-сонли ИИБга олиб борган. Натижада ҳайдовчи Косон туманида туғилган 23 ёшли Ф.Д., Миллий гвардия хизматчиси формасидаги шахс эса Касби туманида туғилган 22 ёшли М.И. эканлиги, давлат хизматчиси эмаслиги аниқланган.
Айни пайтда мазкур ҳолат юзасидан суриштирув ишлари олиб борилмоқда.
