Роналду «Реал»га қарши ўйнаши мумкин. Чемпионлар Лигаси чорак ва ярим финал баҳсларига қуръа ташланди

УЕФАнинг Ньондаги (Швейцария) қароргоҳида Европа Чемпионлар Лигаси 2019/20 йилги мавсумининг қолган қисмига қуръа ташлаш маросими бўлиб ўтди.

Чорак финал жуфтликлари қуйидагича кўриниш оладиган бўлди.

• 1-жуфтлик: «Реал» / «Манчестер Сити» – «Лион» / «Ювентус»
• 2-жуфтлик: «РБ Лейпциг» – «Атлетико»
• 3-жуфтлик: «Наполи» / «Барселона» – «Челси» / «Бавария»
• 4-жуфтлик: «Аталанта» – ПСЖ

1/2 финал

• 1-жуфтлик: Чорак финалнинг 1-жуфтлик ғолиби — Чорак финалнинг 3-жуфтлик ғолиби
• 2-жуфтик: Чорак финалнинг 2-жуфтлик ғолиби — Чорак финалнинг 4-жуфтлик ғолиби

• Финалнинг номинал мезбони 2-ярим финал жуфтлиги ғолиби бўлади.

1/4 финалнинг қолган иштирокчилари 7—8 август кунлари ўтказиладиган ўйинлардан сўнг маълум бўлади. 1/8 финалнинг иккинчи ўйини ўтказилмаган жуфтликларининг биринчи тўқнашуви натижалари эса қуйидагича:

• «Ювентус» — «Лион» (илк ўйин — 0:1)
• «Манчестер Сити» — «Реал» (2:1)
• «Бавария» — «Челси» (3:0)
• «Барселона» — «Наполи» (1:1)

Чорак финал баҳслари 12—15 август, ярим финал ўйинлари эса 18—19 август кунлари ўтказилади. Ушбу босқичлар аввалгидек, иккита эмас, балки битта ўйиндан иборат бўлади.

Финал беллашуви эса 23 августга режалаштирилган.