«Манчестер Юнайтед» Англия чемпионатининг 34-турида «Астон Вилла» майдонига сафар қилиб, 3:0 ҳисобида ғалаба қозонди.
Учрашувнинг 27-дақиқасида «қизил иблислар» ярим ҳимоячиси Бруну Фернандеш 11 метрлик пенальти зарбасини аниқ амалга ошириб, ҳисобни очди.
«Манчестер Юнайтед» учун бу Англия Премьер Лигасининг жорий мавсумидаги 13-пенальти бўлди. Шу тариқа Манчестер клуби ушбу кўрсаткич бўйича мусобақа рекордини такрорлади. Бундан олдин худди шундай натижани 2015/16 йилги мавсумда «Лестер» қайд этганди. «Лестер»гача эса 2004/05 йилги мавсумда «Кристал Пэлас» ҳам 13 марта пенальтидан фойдаланган.
Умумий олганда Оле-Гуннар Сульшер бошчилигидаги жамоа 2019/20 йилги мавсумда барча турнирларда 18 маротаба пенальти тепган.
«Манчестер Юнайтед» 34-турдан кейин 58 очко билан 5-ўринда бормоқда. Навбатдаги турда жамоа ўз майдонида «Саутҳэмптон»ни қабул қилади.
Мавзуга доир: «Манчестер Юнайтед» ҳужум триоси голлар сони бўйича Салоҳ, Мане ва Фирмино учлигини ортда қолдирди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)