UEFAning Nyondagi (Shveysariya) qarorgohida Yevropa Chempionlar Ligasi 2019/20-yilgi mavsumining qolgan qismiga qur’a tashlash marosimi bo‘lib o‘tdi.

Chorak final juftliklari quyidagicha ko‘rinish oladigan bo‘ldi.

1/4 final

• 1-juftlik: “Real” / “Manchester Siti” – “Lion” / “Yuventus”
• 2-juftlik: “RB Leypsig” – “Atletiko”
• 3-juftlik: “Napoli” / “Barselona” – “Chelsi” / “Bavariya”
• 4-juftlik: “Atalanta” – PSJ

1/2 final

• 1-juftlik: Chorak finalning 1-juftlik g‘olibi — Chorak finalning 3-juftlik g‘olibi
• 2-juftik: Chorak finalning 2-juftlik g‘olibi — Chorak finalning 4-juftlik g‘olibi

Final

• Finalning nominal mezboni 2-yarim final juftligi g‘olibi bo‘ladi.

Eslatib o‘tamiz, ayni damga qadar 1/4 finalga “Atalanta”, “Atletiko”, PSJ hamda “Leypsig” klublari yo‘l olgan.

1/4 finalning qolgan ishtirokchilari 7—8-avgust kunlari o‘tkaziladigan o‘yinlardan so‘ng ma’lum bo‘ladi. 1/8 finalning ikkinchi o‘yini o‘tkazilmagan juftliklarining birinchi to‘qnashuvi natijalari esa quyidagicha:

• “Yuventus” — “Lion” (ilk o‘yin — 0:1)
• “Manchester Siti” — “Real” (2:1)
• “Bavariya” — “Chelsi” (3:0)
• “Barselona” — “Napoli” (1:1)

Qayd etish joiz, agarda “Yuventus” “Lion”ni, “Real” esa “Manchester Siti” o‘ziga maqbul hisobda mag‘lub eta olsa, u holda Krishtianu Ronaldu Turin klubi safida o‘zining sobiq jamoasi “Real”ga qarshi o‘ynashi mumkin bo‘ladi.

Chorak final bahslari 12—15-avgust, yarim final o‘yinlari esa 18—19-avgust kunlari o‘tkaziladi. Ushbu bosqichlar avvalgidek, ikkita emas, balki bitta o‘yindan iborat bo‘ladi.

Final bellashuvi esa 23-avgustga rejalashtirilgan.