Футбол бўйича Coca-Cola Суперлигасининг 8-туридан ўрин олган «Сўғдиёна» — «Бухоро» учрашувидан (3:1) сўнг ҳар икки жамоа бош мураббийлари иштирокида матбуот анжумани бўлиб ўтди.
Дастлаб меҳмонлар устози Муҳсин Муҳаммадиев ўз фикрлари билан ўртоқлашди.
«Бизда футболчилар етишмаяпти. Ўйин пайтида ҳимоячи жароҳат олди, ўрнига ёш футболчини туширдик. Икки футболчи жароҳат олди, 4 нафар легионер ҳамон Ўзбекистонга кела олишмаяпти. Биринчи гол урилган вақтда қоида бузилмаганди, ҳакам ҳуштак чалди ва гол урилди. Иккинчи бўлим бошида ҳисобни тенглаштиргандик.
Тайёргарлик етарли бўлмагани учун ҳам жароҳатлар чиқа бошлади. Чемпионат бошланаётганида вақт етарли эмас дегандик, афсуски, бундай бўлмади. Афтидан қолганлар футболни биздан яхшироқ тушунади», — дейди мутахассис.
Матбуот анжуманининг иккинчи қисмида «Сўғдиёна» бош мураббийи Улуғбек Бақоев қатнашди.
«Андижон» билан дуранг ўйнадик, Наманганда ютқаздик, йигитлар кичик руҳий ўрага тушиб қолишганди. Шу боис футболчиларимга раҳмат. Бу ўйинда нима қилиб бўлса ҳам ютишимиз керак эди. Меҳмонлар посбони ажойиб сейвларни амалга оширди. Ғалаба билан мухлисларимизни табриклайман», — дея Бақоев сўзларини келтирмоқда «Championat.asia».
Мазкур ғалабадан кейин «Сўғдиёна» 11 очко билан 9-ўринда бормоқда. «Бухоро» эса (2) сўнгги ўринни банд этган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)