Тошкент шаҳри марказидаги кўчаларда таъмирлаш ишлари амалга оширилади. Бу ҳақда пойтахт ҳокимлиги матбуот хизмати хабар қилган.
Хабарга кўра, 6 июль соат 08:00 га қадар Алишер Навоий кўчасининг Лабзак кўчасидан Сақичмон кўчасигача бўлган қисмидаги йўлда таъмирлаш ишлари олиб борилади.
Қайд этилишича, мазкур йўналишда йўл қатнов қисмининг фақат битта чизиғи автомобиллар ҳаракатланиши учун очиқ бўлади.
Пойтахт ҳокимлиги тирбандликларнинг олдини олиш учун ҳайдовчиларга айланма йўллардан ҳаракатланишни тавсия қилган.
Аввалроқ Юнусобод туманида Аҳмад Дониш кўчасининг айрим қисмлари 14 кунга ёпилгани, Тошкентда Абдулла Қодирий ва Лабзак кўчалари кесишмасидаги кўприкда таъмирлаш ишлари олиб борилгани, Абдулла Қодирий кўчасидан кичик ҳалқа йўлига олиб чиқувчи қўшимча йўлнинг очилгани ҳақида хабарлар берилганди.
Изоҳ (0)