«Ювентус» ҳужумчиси Криштиану Роналду Италия чемпионатининг 30-туридан ўрин олган «Торино»га қарши баҳсда (4:1) ўз номига битта гол ва битта голли узатмани ёздириб қўйди.
35 ёшли португалиялик футболчи 29-дақиқада Хуан Куадрадони тўп билан таъминлаган бўлса, 61-дақиқага келиб ўзи жарима зарбасини қойилмақом тарзда амалга ошириб, жорий мавсумда А Сериядаги голлари сонини 25 тага етказиб олди.
Шу тариқа у 1960/61 йилги мавсумдан кейин А Сериянинг бир мавсумида 25 та гол урган «Ювентус»нинг биринчи ўйинчисига айланди. Бундан олдин ушбу натижани Омар Сивори (1961 йилда) қайд этганди.
Ушбу мавсумда Криштиану Роналду клуб миқёсидаги барча мусобақаларда 38 учрашувда иштирок этиб, 29 гол урди ва 7 та голга ассистентлик қилди.
Изоҳ (0)