Ярим ўрта вазн тоифасида UFC жангчиси Гильберт Бёрнсда коронавирус аниқланди. Бу ҳақда MMA Жункиэ хабар бермоқда.
Таъкидланишича, бу Бёрнснинг Лас-Вегасдан Абу-Дабига учиб кетишидан олдин маълум бўлган. Бёрнс БАА пойтахтида 12 июль куни (Тошкент вақти билан) Камару Усмонга қарши чемпионлик жангини ўтказиши керак эди.
Шунингдек, Бёрнснинг икки секунданти – акаси Герберт ва мураббийи Грег Жонсда ҳам коронавирус инфекцияси борлиги аниқланган. Шундай қилиб, Бёрнс Усмон каби, АҚШни тарк этмади. Уларнинг жанги кечроқ муддатга қолдирилиши кутилмоқда.
Камару Усмон 17 та жанг ўтказиб, шуларнинг 16 тасида ғалаба қозонган 1 тасида мағлубиятга учраган. Гильберт Бёрнснинг ҳисобида эса 22 та жанг, 19 та ғалаба ва 3 та мағлубият бор.
Изоҳ (0)