Россиялик таниқли журналист Василий Уткин енгил вазн тоифасида UFC чемпиони Ҳабиб Нурмагомедовнинг марҳум отаси Абдулманап Нурмагомедов ҳақидаги фикрлари билан ўртоқлашди.
«Абдулманап вафот этди.
Кўплаб ота-оналар фарзандлари спортда муваффақиятга эришишини хоҳлайди. Ва бунинг учун ўзларининг наздида барча ишни қилади. Бу кам ҳолларда самара беради. Абдулманап ўғлини жуда кескин спорт турида ғалабаларга тайёрлади. Ота-она мураббийлар учраб туради. Бироқ бу муваффақиятнинг асосий пойдевори эмас. Ўғил ҳар доим ҳам ота-онасининг йўлидан кетишни истамайди.
Спортчилар оиласидан чиққан машҳур спортчилар бор. Масалан, теннисчи Света Кузнецова, футболчи Жора Шенников. Бироқ бу юқоридагиларга ўхшамайди. Абдулманап ўғлини нафақат бу йўлга қўйди, балки уни бунга муносиб тайёрлади. Мана буниси ноёб иш. Буни ёнига фақат Рафаэль Надални қўя оламан. Бироқ унга амакиси мураббийлик қилган.
Ҳабибнинг ёнида Абдулманап каби ҳаёт кечиришнинг ягона йўли — у билан бирга ривожланиб бориш. Менимча бу ажойиб бахт. Ўғил фақатгина ота таклиф қилган йўлдан юриш билан чекланмади. Бу тўғри қарор бўлиб чиқди. Улар бир-бири учун таянч, стимул, шунчаки ҳақиқий ҳаёт манбяига айланди.
Ўйлашимча, Абдулманап жуда бахтли инсон эди. Ундан намуна олиш нақадар қийин. Ҳа, бу инъом», — дейди Уткин.
Аввалроқ 57 ёшли мураббийнинг вафот этгани хабар қилинганди.
Изоҳ (0)