Футбол бўйича Беларусь чемпионатининг 16-турида «Энергетик-БГУ» 4 июль, шанба куни БATЭ майдонига сафар қилди.
Учрашув тенг курашлар остида бошланди. Иккинчи ўн дақиқалик сўнггида меҳмонлар футболчиси Александр Свирепа ўз жарима майдонида қўл билан ҳаракат қилди ва иккинчи сариқ карточкани олиб, майдонни тарк этди. Бироқ белгиланган пенальтини Станислав Драгун муваффақиятли якунлай олмади.
23-дақиқада ўзбекистонлик футболчси Шаҳбоз Умаров жарима зарбасидан қойилмақом гол урган ҳолда минскликларни олдинга олиб чиқди. Қолган вақтда ҳисоб ўзгармай қолди. Умаров 59-дақиқада захирага олинди.
Шу тариқа ушбу ғалабадан сўнг «талабалар» очколарини 29 тага етказиб олган ҳолда 2-ўринга кўтарилиб олди ва пешқадам БATЭдан 1 очко ортда қолмоқда.
Беларусь Олий Лигаси
16-тур баҳси
4 июль, шанба
БATЭ — «Энергетик-БГУ» 0:1
Гол: 0:1 – 23 Умаров.БATЭ: Чичкан, Настич, Филипенко, Я.Филипович, А.Филипович Яблонский, Бага, Драгун, Стасевич, Нехайчик, Милич
«Энергетик-БГУ»: Садовский, Шкурдюк, Мирошников, Свирепа, Юдчиц, Гирс, Носко (к), Мавату, Тве, Умаров (Диас, 59), Атеменг (Мусаханян, 26).
Огоҳлантиришлар: Свирепа (7), Тве (28), Настич (39)
Четлатиш: Свирепа (20).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)