Енгил вазн тоифасида УФСънинг вақтинчалик чемпиони Жастин Гэтжи Абдулманап Нурмагомедовнинг вафоти муносабати билан ҳамдардлик билдирди.
«Афсонавий Абдулманап Нурмагомедов ҳақидаги янгиликни эшитиш даҳшатли. Ҳабиб, мен жудаям афсусдаман.
Отанг сен унинг меросини муносиб ҳимоя қилишингни билиб, юраги ғурурга тўлган ҳолда ҳаётдан кўз юмди», – деб ёзган Гэтжи Twitterдаъги саҳифасида.
Эслатиб ўтамиз, Ҳабиб Нурмагомедов ва Жастин Гэтжи ўртасидаги жанг 2020 йилнинг сентябрь ойида Абу-Дабидаги UFC 253 мусобақасида ўтказилиши режалаштирилган.
Енгил вазн тоифасида UFC чемпиони Ҳабиб Нурмагомедовнинг отасида май ойида коронавирус аниқланганди. Аввалроқ Ҳабиб коронавирус ортда қолгани, бироқ отасининг аҳволи оғир эканини айтганди. 3 июль куни эса катта Нурмагомедов ҳаётдан кўз юмди.
Маълумот учун, Абдулманап Нурмагомедов 1962 йил 10 декабрда Доғистонда туғилган. Дзюдо ва самбо бўйича Украина чемпиони. Россияда хизмат кўрсатган мураббий. Жанговар самбо бўйича Доғистон терма жамоаси катта мураббийи сифатида фаолият олиб борган.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)