Британиянинг Waitrose супермаркетлар тармоғи Таиландда етиштириладиган кокослар ва ушбу мева ишлатиладиган маҳсулотларни харид қилишни тўхтатди. Бунга мамлакатда ўз вазнидан оғир бўлган меваларни ташишга макака маймунлари мажбурланаётгани сабаб бўлган, деб ёзади Daily Mail.
Савдо тармоғи раҳбарияти Peta Asia тадқиқотларини ўрганиб чиқиб, шу каби қарорга келган. Мазкур ташкилот ҳайвон ҳуқуқлари учун курашиб келади.
Аниқланишича, маймунлар инсонлардан тез ҳаракат қилгани учун кокос теришга ёлланади. Катта турдаги маймун 1600 та, одам эса — 80 та кокос тера олади.
Бироқ приматлар жуда ачинарли шароитда сақланади. Улар занжирбанд қилинган, тишлаб олмасликлари учун тишлари суғуриб олинган ва кўпинча ўз вазнидан ҳам оғирроқ кокосларни ташишга мажбур бўлади.
Waitrose’нинг бойкотини бошқа иккита тармоқ — Boots, Co-op ва Ocado ҳам қўллаб-қувватлаган.
Изоҳ (0)