Нидерландиялик арт-консультант қишлоқда яшайдиган кекса аёлнинг жавонида XVIII асрга оид хитой чинни гулдонини топиб олди. Бу ҳақда Daily Mail хабар берди.
Марказий Европадаги қишлоқлардан бирида яшайдиган кекса аёл Йохан Бош ван Розентални уйига чақирган ҳамда 60 йил давомида шкафида чанг босиб ётган эски гулдонни баҳолаб беришини сўраган.
Арт-консультант бу Хитойнинг Цин сулоласи даврига оид гулдон эканлигини дарҳол тушунди. Ушбу гулдон бир вақтлар шарқ керамикаси коллекционери Гарри Гарднерга тегишли бўлган.
Ван Розенталь мушуклар уёқ-буёққа югуриб юрадиган қишлоқ уйида яхши сақланганидан ҳайратланди.
Ван Розенталь Sotheby’s аукционлар уйининг Осиёдаги раҳбари Николас Чоу билан боғланди.
Чоу топилмага қизиқиш билдирди ва уни кўриш учун Европага шахсан ўзи учиб келди. Эксперт гулдонни кўздан кечириб, унинг ҳақиқийлигини тасдиқлади, сўнгра уни тахминан 9-11,6 миллион долларга баҳолади.
Санъат мутахассислари гулдон 1742 йилда тайёрланганини аниқлади. У фақат император в ава унинг яқинлари кириши мумкин бўлган жойда сақланган. Кейинроқ гулдонни бир неча марта аукционда сотилган, яқин вақтгача у йўқолган ҳисобланарди.
Изоҳ (0)