28 июнь, якшанба куни футбол бўйича Cоcа Cоlа Ўзбекистон Кубоги иккинчи саралаш босқичидан ўрин олган икки учрашув бўлиб ўтди.
Унда Ғузорнинг «Шўртан» клуби ўз майдонида Фарғонанинг «Нефтчи» жамоасини қабул қилган бўлса, Тошкентнинг «Оқтепа»си Самарқандда «Динамо» меҳмони бўлди.
Ғузорда кечган баҳсда мезбонлар 2:1 ҳисобида ғалабани қўлга киритди. «Шўртан» сафида голларга Жасур Холтўраев ва Шокир Йўлдошев муаллифлик қилган бўлса, меҳмонлардан Отабек Зокиров ўз номига гол ёздириб қўйди.
Самарқанддаги баҳс эса голларга бой бўлди. Учрашувда жами 7 та тўп киритилди. Тошкентликлар сафида Иброҳим Томива 23, 38 ва 64-дақиқалардаги голлари билан жамоасини олдинга олиб чиқди. 67-дақиқада эса мезбонлар ҳисобни қисқартирди – 1:3. Шундан сўнг «Оқтепа» яна бир бор «Динамо» дарвозасини ишғол этишга муваффақ бўлди. Самарқандликлар эса ушбу голларга 81 ва 90+2-дақиқаларда жавоб қайтарди. Бироқ ҳисобни тенглаштириш учун «Динамо»га вақт камлик қилди.
Мазкур ғалабалардан кейин «Шўртан» ва «Оқтепа» жамоалари Суперлиганинг 14 клубига қўшилиб, кубокнинг гуруҳ босқичида иштирок этиш ҳуқуқини қўлга киритди.
Ўзбекистон Кубоги гуруҳ босқичида иштирок этувчи барча жамоалар:
Соса Соlа Ўзбекстон Кубоги
Иккинчи саралаш босқичи
28 июнь, якшанба
«Шўртан» — «Нефтчи» 2:1
Голлар: 0:1 – 31, пенальти Зокиров, 1:1 – 60 Холтўраев, 2:1 – 71 Йўлдошев.«Шўртан»: 25.Мирзоҳид Маматхонов, 2.Нурали Падаров, 7.Олимжон Каримов, 8.Шамсиддин Саъдуллаев, 10.Маъруф Муродов (27.Ислом Шодмонов, 62), 11.Жасур Холтўраев, 14.Шокир Йўлдошев, 17.Элёр Омонжонов (28.Санжар Тўрақулов, 40), 18.Самандар Шодмонов, 22.Сардор Саъдуллаев, 29.Жаҳонгир Қурбонбоев (9.Худоёрхон Саъдуллаев, 62).
«Нефтчи«: 35.Шерзодбек Абдураимов, 3.Тимур Султонов, 5.Элдор Эргашев, 7.Мансур Саидов (77.Санжарбек Зокиров, 68), 8.Ислом Каримов (17.Достонбек Тошматов, 68), 9.Отабек Зокиров, 10.Исломжон Тошпўлатов, 13.Жамшид Қобулов, 20.Дилёрбек Ирматов, 70.Достон Бобожонов (23.Идрис Бикмайкин, 60), 88.Жаъфар Исмоилов.
Огоҳлантиришлар: Холтўраев (8), Тошпўлатов (49).
Четлатиш: Холтўраев (75).
«Динамо» — «Оқтепа» 3:4
Голлар: 0:1 – 23 Томива, 0:2 – 37 Томива, 0:3 – 63 Томива, 1:3 – 75 Шобиров, 1:4 – 78 Очилов, 2:4 – 80 Аламхонов, 3:4 – 90+1 Шобиров.«Динамо»: 1.Шоҳруҳ Эшбўтаев, 4.Ҳакимхон Аламхонов, 5.Аваз Агалиев, 7.Жасур Азимов, 9.Низом Норов (17.Шарафиддин Шобиров, 72), 10.Амиржон Сафаров, 11.Дамир Темиров (27.Азамат Алланиязов, 46), 19.Муҳаммадқодир Раҳимберганов (20.Шаҳбоз Нуриддинов, 55), 23.Алишер Юсупов (44.Бунёд Исроилов, 72), 26.Комил Шарофуддинов (24.Жасурбек Ўринов, 46), 34.Шоҳруҳ Абдураҳмонов.
«Оқтепа»: 1.Эркин Жабборов, 2.Фарруҳ Содиқов, 4.Сергей Прохоров, 8.Жамшид Юсупов, 9.Сарвар Жуманиёзов, 10.Исломжон Исмоилов, 11.Темур Ҳакимов (6.Суннатулла Мамадалиев, 51), 17.Иброҳим Томива (23.Владислав Фомин, 68), 20.Самандар Очилов, 25.Акбар Алишеров, 33.Максимилиан Фомин.
Огоҳлантиришлар: Азимов (17), Алишеров (30), Содиқов (62), Ўринов (65).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)