Тошкент вилоятининг «Чинор» мунтазам ЙПХ масканида Isuzu автомобили текширилганида унинг юкхонасидан ноқонуний равишда олиб кетилаётган рангли металлар топилди. Бу ҳақда Тошкент вилояти ИИББ ЙҲХБ ахборот хизмати «Дарё»га маълум қилди.
Маълумотларга кўра, 25 июнь куни «Чинор» мунтазам ЙПХ масканида хизмат ўтаётган ходимлар Isuzu автомобилини тўхтатган. Ҳайдовчи инспекторларга ўзига ва транспорт воситасига тегишли ҳужжатларни тақдим этган. Бироқ унинг хатти-ҳаракати ЙПХ ходимларида шубҳа уйғотган, шу сабабли улар машина юкхонасини текшириб кўрган.
Холислар иштирокида автомобиль юкхонасини текшириш жараёнида у ерда ноқонуний равишда олиб кетилаётган 3 тоннадан ортиқ рангли металл парчалари борлиги маълум бўлган. Керакли ҳужжатлар расмийлаштирилганидан сўнг ҳайдовчи, транспорт воситаси ҳамда ашёвий далиллар туман ИИБга олиб борилган.
Маълум бўлишича, юкхонадаги қопларда алюминий кукунлари бўлган.
Изоҳ (0)