«Реал» бош мураббийи Зинедин Зидан Ла Лиганинг 30-туридан ўрин олган «Реал Сосьедад» қарши ўйиндан (2:1) сўнг ўз фикрлари билан ўртоқлашди.
«Ҳамманинг фақат ҳакамлар ҳақида гапираётгани мени ғазаблантирмоқда. Худди биз майдонда ҳеч нарса қилмагандек таассурот пайдо бўлмоқда. Лекин биз уларнинг гап-сўзларини назорат қила олмаймиз. Биз майдонда ғалаба қозонамиз ва бугун ҳам шундай бўлди. Ҳақли ғалабага эришдик деб ўйлайман.
Гарчи бу ғалаба 9 очкога тенг бўлса-да, ҳали ҳеч нарсага эришганимиз йўқ. Кураш ҳали давом этади», – дейди Зидан.
Жамоаларнинг биринчи даврадаги ўйинида ҳам «Реал» (3:1) ғалабани қўлга киритганди. Мадрид клуби ушбу ғалабадан кейин очколарини 65 тага етказиб, «Барселона»дан ўзаро ўйинлар ҳисобига ўзиб кетди ва чемпионликни қўлга киритиш учун яхши имкониятларга эга бўлиб турибди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)