«Ўзмиллийбанк» АЖ Visa International халқаро тўлов тизимининг шартлари ва қоидаларига мувофиқ реализация қилинган Visa тўлов карталарининг эгалари учун 2019 йилнинг декабрида Ўзбекистонда илк бор Visa Direct инновацион хизматини ишга туширди. Мазкур хизмат Миллий мобил иловасида картадан картага пул маблағларини ўтказиш имконини беради.
Банкимизнинг мижозлари —Visa карталарининг эгалари, энди ҳеч қандай қоғозларсиз, навбатларсиз ва бошқа қийинчиликларсиз 24/7 режимида Ўзбекистон бўйича қариндош ва яқинларига ва МДҲ давлатларига пул ўтказишлари мумкин. Ўтказмани амалга ошириш учун мижозга Visa картаси рақамини, олувчининг исми ва фамилиясини билишнинг ўзи кифоя.
Янги хизмат билан ўтказмани юборувчи энди атайлаб банкка бориши ва олувчининг аниқ реквизитларини билиши шарт эмас, олувчи ҳам ўз навбатида банкка бориши шарт эмас — маблағлар унинг картадаги ҳисоб рақамига тушади.
«Ўзмиллийбанк» АЖ Visa International ХТТ билан биргаликда 2020 йилнинг 15 сентябрига қадар акция ўтказмоқда. Унга кўра Visa Direct хизмати орқали барча ўтказмалар комиссиясиз амалга оширилади.
Акциядан ташқари «Ўзмиллийбанк» АЖнинг Visa картасидан Ўзбекистондаги ва МДҲдаги ҳар қандай банкларнинг Visa карталарига ўтказмалар амалга оширилганда 0,5% миқдорда комиссия ундирилади. Миллий мобил иловасида «Ўзмиллийбанк» АЖнинг Visa карталари ўртасидаги ўтказмалари комиссиясиз, бепул амалга оширилади.
Шунингдек, картадан пул маблағларини ўтказишда битта операциянинг суммаси бўйича чекловлар ҳам мавжуд. Ўрнатилган лимит суткада 500 АҚШ долларини ташкил қилади.
Visa Direct — ҳар жойда мавжудлиги омилидан, иқтисодий самарадорлиги ва Visa глобал тармоқ тезлигидан фойдаланиб, тўловларни реал вақт режимида амалга ошириш имконини берувчи технология. Бу турли банклар ўртасидаги Visa картасига ўтказма бўлса ҳам пуллар дарҳол тушади.
Реклама ҳуқуқи асосида.
Изоҳ (0)