Volkswagen ўз машинасини йиғмоқчи бўлган мижозларга янги хизмат таклиф этди

Volkswagen компанияси e-Golf электрохетчбекини буюртма қилган мижозларга янги хизматларни таклиф этади. Харидорлар Дрездендаги конвейрга кириши ва 215 евро эвазига ўз машинасининг йиғилишини томоша қилиши мумкин, деб хабар беради Motor.

Корхона ҳудудига кириш концерн ходимлари томонидан қаттиқ назорат қилинади. Тўрт кишидан иборат ташриф буюрувчилар гуруҳи машинани йиғишнинг бешта босқичида қатнаша олади. Улар мустақил равишда совитиш тизимига радиатор панжарасини, фонарларни, Golf’нинг ёрлиғини, шунингдек, двигатель ва кузовни ўрнатишда ҳам иштирок этиши мумкин.

Электрокарни йиғишнинг беш босқичи 2,5 соат вақтни олади. Автомобильни йиғиш жараёнида бевосита иштирок этишдан ташқари, мижозлар гид билан корхонанинг ишлаб чиқариш ва кўргазма зонасида экскурсия уюштириши мумкин. Концерннинг сувенир товарлари ва ичимликлари учун 10 фоизли чегирма ҳам таклиф этилади.

2020 йил Volkswagen e-Golf ишлаб чиқариладиган сўнгги йил ҳисобланади. Келажакдан унинг ўрнига МЕB модул платформасида яратиладиган ID.3 электрохетчбеки келади. ID.3 харидорлари кейинги йилдан бошлаб ўз электрокарларини йиғиш жараёнларида иштирок этишлари мумкин бўлади.

Аввалроқ Ўзбекистонда Volkswagen  автомобилларини ишлаб чиқариш бошланаётгани тўғрисида хабар берилганди.