Мухлислар севимли фильмларидаги ўрганиб қолган қаҳрамонини ўзгартирилганини қабул қилишни ёқтирмайди.
1. «Мўмиё» ва «Мўмиё қайтади», фильмида Рэйчел Вайс ижросидаги археолог-кутубхоначи қаҳрамони мухлислар қалбидан жой олган. Лекин актриса сенарийдаги муаммолар сабаб «Мўмиё: Аждар императорининг қабри» картинасида иштирок этишдан бош тортган ва унинг ўрнига Мария Белла қабул қилинган. Янги актриса Рэйчелчалик ишонарли рол ижро қилолмаган ва мухлислар эътирофига сазовор бўлолмаган.
2. «Гарри Поттер» фильмида Хогвартс раҳбари Альбус Дамблдор ролини жонлантирган Ричард Харрис, фильмнинг иккинчи қисми суратга олинганида кейин ҳаётдан кўз юмгани сабаб унинг ўрнини Майкл Гэмбон эгаллаган. Томошабинлар эса янги Альбусни қабул қила олмаган. Актёрнинг ўзи эса қаҳрамонни гавдалантиришдан аввал, китоб билан танишиб чиқмаганини тан олган.
3.«Матрица» фильмида фолбин Пифия ролини ижро қилган Глория Фостер «Матрица: Инқилоб»да суратга тушишга улгурмай, ҳаётдан кўз юмган ва унинг ўрнига Мэри Эрис қабул қилинган. Лекин у Глориячалик ролини қойиллатолмаган.
4. «Темир одам» фильмининг муваффақиятли чиқишини ҳеч ким кутмаган, ҳатто актёрлар фильмнинг фақат бир қисми учунгина шартнома тузган. Фильмдаги иккинчи даражали қаҳрамон. Подполковник Жеймс Роудс ролини ижро қилган Терренс Ховард, фильмнинг иккинчи қисми учун катта миқдорда гонорар сўрагани сабаб студия унинг ўрнига Дон Чидлни олган. Аммо мухлислар янги актёрдан кўнгли тўлмаган. Чидлнинг ўзи бошида ўзбошимчалик билан ижро қилгани кейинчалик, роли ўхшамаганидан кейин Ховарддан қисман андоза олганини тан олган.
5. «Сумерки» фильмидаги Виктория ролини ижро қилишдан аввал, Рашел Лефевр ўз устида ишлаган, ёввойи ҳайвонлар ҳақидаги фильм ва роликларни томоша қилган. Шу сабаб ҳам ижроси қойилмақом чиққан. Лекин учинчи фаслда унинг иш графигида етарли вақт топилмагани сабаб, кейинги қисмларда Брайс Даллас Ховард роль ижро қилган. Лекин мухлислар унинг ижросидан қониқмаган.
6. «Қўзилар сукунати» фильмида Жоди Фостер ижро қилган ва айнан шу роли сабаб Оскар мукофотига сазовор бўлган Клариса Старлинг ролини кейинги қисмларда Жулианна Мур жонлантирган. Янги актриса қанча уринмасин, Фостер сингари ижрони маромига етказмаган.
7. «Муҳташам юз йил» фильмида Султон Сулаймоннинг севимли рафиқаси Хуррам султонни Марям Узерлисиз тасаввур қилиб бўлмасди. Лекин сериалнинг сўнгги қисмларида Марям шахсий муаммолари билан фильмни тарк этади ва унинг ўрнига Вахиде Перчин таклиф қилинади. Узерлига ўрганиб қолган мухлислар эса янги актрисани қабул қила олмайди ва уни ролини совуққонлик билан ижро қилган деб ҳисоблайди.
8. Эски қаҳрамонни гавдалантиргани мухлисларга ёқмаган роллардан яна бири «Тахтлар ўйини» фильмидаги Даарио Нахарис ҳисобланади. Бошида Эд Скрейн ижро қилган қаҳрамонни кейинчалик Михиль Хаусман ижро қилган. Янги актёр мухлислар меҳрини қозонишига анча вақт кетган.
Изоҳ (0)