Лондон марказида Буюк Британия бош вазири Борис Жонсон кетаётган машина йўл-транспорт ҳодисасига учради. Бу ҳақда бош вазир девонхонасининг расмий вакилига таяниб, CNN хабар қилган.
«Бош вазир машина ичида бўлган ва автоҳалокатдан ҳеч кимга талафот етмаган», – дея ахборот берган спикер.
Гувоҳларнинг сўзларига кўра, бош вазир кетаётган машина ҳайдовчиси курдлар ўтказаётган норозилик намойиши иштирокчисининг йўлга югуриб чиқиши оқибатида тўсатдан автомобилни тўхтатишига тўғри келган.
https://twitter.com/i/status/1273244222385160192
Оқибатда бош вазир кетаётган машина орқасидаги қўриқлаш хизмати автомобилидагилар унга бориб урилиб, орқа капот қисми ва бамперни пачоқ қилган. ЙТҲ содир бўлишида айбдор пиёда ҳуқуқ-тартибот идоралари ходимлари томонидан ушланган.
Эслатиб ўтамиз, аввал Буюк Британия қироличаси Елизаветта II Жонсоннинг саройда спорт билан шуғулланишига рухсат берган. Мамлакат бош вазири қироллик оиласининг саройида спорт билан шуғулланиб, ўзи баҳорда енгиб ўтган коронавирус инфекциясининг асоратларидан тўлиқ фориғ бўлиши мумкин.
Мавзуга доир:
- Британия бош вазири ирқчиликка қарши курашда ёдгорликларни тинч қўйиб, демократик воситалардан фойдаланишга чақирди
- Борис Жонсон коронавирусдан ўладиган бўлса, қандай асосий ҳаракатлар режаси тайёрлаб қўйилганини маълум қилди
- Борис Жонсон ота бўлди. Болакайга бош вазирни даволаган шифокорларнинг исми қўйилди
Изоҳ (0)