Вазирлар Маҳкамасининг Ҳудудларни комплекс ривожлантириш, коммуникациялар, қурилиш ва уй-жой коммунал хўжалиги масалалари котибиятига янги мудир тайинланди, деб хабар беради «Kun.uz».
Маълумотларга кўра, Ўзбекистон Президентининг 2020 йил 22 январдаги ПҚ-4569 ҳамда 2020 йил 12 майдаги ПҚ-4710-сон қарорларига асосан Вазирлар Маҳкамасининг ижро этувчи тузилмаси ва аппарати таркибий бўлинмалари тузилмалари ҳамда штат жадвали янгидан тасдиқланган.
Ҳужжатга кўра, Шерзод Обидов Вазирлар Маҳкамаси Ҳудудларни комплекс ривожлантириш, коммуникациялар, қурилиш ва уй-жой коммунал хўжалиги масалалари котибиятининг мудири этиб тайинланди.
Таъкидланишича, 17 июнь куни Ўзбекистон бош вазири Абдулла Арипов бу ҳақдаги тегишли қарорни имзолаган.
Аввалроқ ҳукуматнинг 28 майдаги қарори билан Вазирлар Маҳкамаси Инвестициялар, экспортни қўллаб-қувватлаш ва ташқи иқтисодий алоқалар масалалари котибиятида бир қатор раҳбар ходимлар тайинлангани тўғрисида хабар берилганди.
Изоҳ (0)