Olmazor City’да 2020 йилда 1200 квартирали 8 та кўп қаватли уй, 2021 йилда эса 1100 квартирали яна 8 та кўп қаватли уй фойдаланишга топширилади. Бундан ташқари, сити ҳудудида янги мактаб, болалар боғчаси, йирик савдо мажмуаси ва бошқа объектлар ҳам фойдаланишга топширилиши кутилмоқда.
Президент Шавкат Мирзиёев 12 июнь куни Олмазор туманига ташрифи давомида Olmazor City ҳудудидаги 500 квартирали 30 қаватли уйни 2022 йил биринчи чорагида топшириш зарурлигини таъкидлади.
Мутасаддиларга Олмазор туманида камида 4-5 қаватли савдо-кўнгилочар марказларини ташкил этиш бўйича таклифлар ишлаб чиқиш, Қорақамиш-1 кўчасидаги эски деҳқон бозори негизида «Экобозор» ва автотураргоҳ қуриб, ишга тушириш ҳақида топшириқлар берилди.
Аввалроқ Президент Шавкат Мирзиёев Олмазор туманига ташрифи давомида Тошкент вилояти Тошкент туманининг Олмазорга яқин қисмидаги 260 гектар майдонда 150 минг аҳолига мўлжалланган йўлдош шаҳарча қуришни таклиф қилгани ҳақида хабар берилган эди.
Изоҳ (0)