Президентимиз Шавкат Мирзиёев ташаббуси билан ташкил этилган «Саховат ва кўмак» умумхалқ ҳаракатида тадбиркорлар ҳам фаол иштирок этмоқда.
Пандемия шароитида даромади бўлган баъзи оилалар ҳам ўз даромадидан айрилиб, пулга муҳтожлиги сезилиб қолгани ҳеч кимга сир эмас.
Шундай мураккаб вазиятда халқимиз ва давлатимизни ҳар томонлама қўллаб-қувватлаш Grand Pharm Trade компаниясининг ҳам шарафли бурчидир.
Компания вакиллари юртимизнинг чекка туманларда бўлиб, ана шундай кўплаб оилаларга ёрдам қўлини чўзди. Компания март ойининг охирида қарийб 8000 оила, хусусан, Қорақалпоғистон Республикасидаги 2000, Андижон вилотидаги 1000, Бухоро вилоятидаги 1000, Наманган вилоятидаги 1000, Сурхондарё вилоятидаги 1500 ва Тошкент вилоятидаги 1500 оилага озиқ-овқат ва моддий ёрдам кўрсатди.
Апрель ойининг охирида «Саховат ва кўмак» умумхалқ ҳаракати ўз фаолияти бошлади. Ушбу компания акциядорлари 5000 оилани уч ойга васийликка олди, улардан 2000 таси Қорақалпоғистон Республикасидан, 869 таси Андижон вилоятидан, 531 таси Наманган ва 1600 таси Тошкент вилоятидандир.
Бундан ташқари, 52 нафар киши учун қўшимча иш ўринлари яратилди.
Маҳаллий ҳокимият органлари, Ўзбекистон мусулмонлари идорасининг ҳудудий вакиллари ҳақиқатан ҳам ёрдамга муҳтож оилаларни топишда компанияга яқиндан ёрдам берди.
Компания томонидан май ойида беш миллиард сўм ажратилди. Унинг 2020 йил 25 июнь—25 июль кунлари учун ажратган 10 миллиард миқдорида навбатдаги ёрдами ҳам тез орада эҳтиёжмандларга топширилади.
Энг муҳими шуки, мамлакатимиз тадбикорлари Президентимиз ташаббуси билан ташкил этилган «Саховат ва кўмак» умумхалқ ҳаракати фаолиятини қўллаб-қувватлаш баробарида унга елкадош бўлиб, шундай синовли кунларда Ўзбекистон халқига фойдаси тегаётганидан мамнун экани ниҳоятда қувонарлидир.
Реклама ҳуқуқи асосида.
Изоҳ (0)