Ўзбекистонда 7 июнь куни соат 23:00 ҳолатига кўра, коронавирусга чалинганлар сони 29 кишига кўпайиб, 4331 нафарга етди. Бу ҳақда Соғлиқни сақлаш вазирлиги хабар бермоқда.

Янги касалланиш ҳолатларининг 7 таси карантин марказидаги фуқаролар орасида, 10 таси Тошкент шаҳри ҳамда 8 таси Хоразм вилоятида аҳоли орасида, 2 таси Сирдарё вилоятида ва яна 2 таси Тошкент вилоятида хориждан чегара пости орқали кириб келган халқаро юк ташувчи автомашина ҳавдовчиларида аниқланган.

«Ҳозирда мамлакатимизда даволанаётган 960 нафар беморга шифокорларимиз томонидан белгиланган стандартлар бўйича даво чоралари кўрилмоқда», — дейилади ССВ ахборотида.

Аввалроқ 7 июнь куни соат 18:00 ҳолатига кўра, коронавирусга чалинганлар сони 121 кишига кўпайиб, 4302 нафарга етгани хабар берилганди. Ҳозиргача мамлакатда 3354 нафар бемор соғайган, 17 нафари эса вафот этган.