«Қўқон» эркин иқтисодий зонаси қошида 23 гектар майдонда мултимодал логистика маркази ташкил этилади. Бу ҳақда Халқаро пресс-клубнинг 7 июнь, якшанба куни Фарғонада бўлиб ўтган сессиясида маълум қилинди.
Логистика марказида 10 минг квадрат метр ёпиқ омбор, 3 минг квадрат метр совутгичли омбор, ўзгармас юклар учун 30 минг квадрат метр майдонда очиқ омбор, 27 минг квадрат метр контейнерлар учун очиқ майдон барпо этилади.
Мажмуада камида 200 та янги иш ўрни яратилади, у йилига 200 мингта контейнер ва 10 миллион тонна юк билан ишлаш қувватига эга бўлади. Лойиҳа 12,2 миллион долларга баҳоланган.
Аввалроқ Фарғона водийси вилоятлари ҳалқа темир йўли билан боғланиши, экспресс ва оддий электропоездлар қатновлари йўлга қўйилиши ҳақида хабар берилган эди.
Изоҳ (0)