Германиянинг Adidas компанияси «Арсенал» ярим ҳимоячиси Месут Ўзил билан ҳамкорлик қилишни тўхтатади.
Спорт анжомларини ишлаб чиқарувчи компания 2013 йилдан бери футболчи билан ишлаб келади. Етти йиллик келишув шартларига кўра, Ўзил 22 миллион фунтга яқин пул ишлаб олган.
Daily Mail нашрининг хабар беришича, Adidas компанияси раҳбариятининг Ўзил билан шартномани узайтирмасликка қарор қилишининг сабабларидан бири — сўнгги йилларда футболчининг иштирокидаги кўплаб мунозарали воқеалардир.
Ўзил 2018 йилда Туркия президенти Ражаб Тойиб Эрдўғон билан бирга суратга тушганлиги учун кўплаб танқидларга учраганди.
2019 йилнинг декабрь ойида эса Ўзил Хитой расмийларини мамлакатда яшаётган уйғурларни таъқиб қилишда очиқчасига айблаган. «Арсенал» футболчисининг бу гапларидан ўзини узоқроқ тутишга ҳаракат қилган.
Adidas’нинг Ўзил билан ҳамкорлик қилишдан бош тортишининг яна бир сабаби — коронавирус пандемияси билан боғлиқ молиявий инқирозлиги ҳам айтилмоқда. Компания ўз харажатларини оптималлаштирмоқда.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)