«Ливерпуль» клубининг собиқ ярим ҳимоячиси Жон Барнс жамоа ҳужумчилари Садио Мане ва Муҳаммад Салоҳнинг мерсисайдликлар сафини тарк этиши эҳтимоли ҳақида гапирди.
«Барча жамоалар ўз ўйинчиларини сотади. Замонавий футбол ҳақиқати шундай. Масалан, «Барселона» Неймар билан хайрлашишга мажбур бўлди. Ҳозир футболчиларни маош ўзига жалб қилмоқда. Агар ҳафтасига 1 миллион фунт тўласангиз, исталган футболчи, ҳатто Мане ёки Салоҳ ҳам трансферга розилик беради. Жамоа даражаси аҳамият касб этмайди.
«Ливерпуль»ни кўплаб фантастик футболчилар тарк этган: Фернандо Торрес, Луис Суарес, Филиппе Коутиньо. Жамоа майдондаги натижалар эвазига куч йиғиб олгани қувонарли, футболчилар эса келиб, кетаверади. Мен ҳар доим мухлисларга алоҳида футболчиларга эмас, клубга ишқибозлик қилишни маслаҳат бераман», — дейди Барнс.
Жон Барнс 1987—1997 йиллар мобайнида «қизиллар» либосини ҳимоя қилган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)