“Liverpul” klubining sobiq yarim himoyachisi Jon Barns jamoa hujumchilari Sadio Mane va Muhammad Salohning mersisaydliklar safini tark etishi ehtimoli haqida gapirdi.
“Barcha jamoalar o‘z o‘yinchilarini sotadi. Zamonaviy futbol haqiqati shunday. Masalan, “Barselona” Neymar bilan xayrlashishga majbur bo‘ldi. Hozir futbolchilarni maosh o‘ziga jalb qilmoqda. Agar haftasiga 1 million funt to‘lasangiz, istalgan futbolchi, hatto Mane yoki Saloh ham transferga rozilik beradi. Jamoa darajasi ahamiyat kasb etmaydi.
“Liverpul”ni ko‘plab fantastik futbolchilar tark etgan: Fernando Torres, Luis Suares, Filippe Koutinyo. Jamoa maydondagi natijalar evaziga kuch yig‘ib olgani quvonarli, futbolchilar esa kelib, ketaveradi. Men har doim muxlislarga alohida futbolchilarga emas, klubga ishqibozlik qilishni maslahat beraman”, — deydi Barns.
Jon Barns 1987—1997-yillar mobaynida “qizillar” libosini himoya qilgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)