Футбол бўйича Германия чемпионатининг 29-туридан ўрин олган 30 май, шанба кунги баҳслар ўз ниҳоясига етди.
«Бавария» ўз уйида «Фортуна»ни меҳмон қилиб, рақиб дарвозасида жавобсиз бешта гол урди. 15-дақиқада Бенжамен Паварнинг тепган тўпи меҳмонлар футболчиси Матиас Йоргенсенга тегиб дарвозадан жой олган бўлса, 29-дақиқада Паварнинг ўзи гол муаллифига айланди.
Биринчи бўлим якуни ва иккинчи бўлим дебютида Роберт Левандовски иккита чиройли голга муаллиф бўлди. 52-дақиқада Альфонсо Дэвис мюнхенликларнинг бешинчи голини урди.
Шу тариқа ушбу ғалабадан сўнг «Бавария» очколарини 67 тага етказиб олган ҳолда чемпионлик учун яна бир қадам ташлади.
«Шальке-04» ўз уйида «Вердер»га ютқазиб қўйди ва ғалабасиз сериясини ўнта ўйинга етказди. «Ҳерта» эса Берлинда «Аугсбург»ни таслим этган ҳолда мағлубиятсиз сериясини давом эттирди. «Айнтрахт» ҳам бу турда ғалаба қозонишга эришди.
Бундеслига
29-тур баҳслари
30 май, шанба
«Бавария» — «Фортуна» 5:0
Голлар: 1:0 – 15, автогол Йоргенсен, 2:0 – 29 Павар, 3:0 – 43 Левандовски, 4:0 – 50 Левандовски, 5:0 – 52 Дэвис.«Бавария»: Нойер, Люка Эрнандес (Кюизанс, 46), Павар (Одриосола, 62), Алаба, Киммих, Горетцка, Дэвис, Гнабри (Майер, 78), Коман (Перишич, 62), Левандовски, Мюллер (Зиркзее, 75).
«Фортуна»: Кастенмайер, Ҳоффманн, Йоргенсен, Гиссельманн, Симмерманн (Симмер, 67), Моралес (Зоботтка, 57; Пледл, 73), Томми (Зуттнер, 66), Караман, Штегер (Бериша, 57), Скрибски, Бодзек.
Огоҳлантиришлар: Караман (26), Зуттнер (90).
«Шальке-04» — «Вердер» 0:1
Гол: 0:1 – 32 Битенкур.«Майнц» — «Ҳоффенҳайм» 0:1
Гол: 0:1 – 43 Бебу.«Ҳерта» — «Аугсбург» 2:0
Голлар: 1:0 – 23 Дилросун, 2:0 – 90+3 Пионтек.«Вольфсбург» — «Айнтрахт» 1:2
Голлар: 0:1 – 27, пенальти Андре Сильва, 1:1 – 58 Мбабу, 1:2 – 85 Камада.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)