«Барселона» собиқ президенти Сандро Росель қамоқхонада ўтирган вақтидаги воқеалар ҳақида гапирди.
«Бир тентак менга шундай деганди: «Сен, лаънати каталонсан, барча каталонлар ўлиши керак». Бошқаси эса мени ҳар куни қаҳва сотиб олишга мажбурларди. Мен бу ишни қилмадим, унга бу нотўғри эканини айтдим ва у бироз ўзига келди», — дейди Росель.
Сандро 2010—2014 йиллар мобайнида «Барселона»ни бошқарган. Унинг давида клуб Роналдиньони ўз сафига қўшиб олганди.
Росель офшор ҳисоблар орқали 15 миллион еврони ювишга алоқадорликда айбланиб, 2017 йилнинг майида қамоққа олинган. 643 кунлик тутқунликдан сўнг функционер 2019 йилнинг февралида қамоқдан чиқади, бироқ мазкур иш ёпилмайди. Прокуратура уни 11 йилга озодликдан маҳрум қилишни сўрайди. 2019 йилнинг апрелида Росель оқланади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)